.jpeg)
اخطر منصة راهي على الأطفال التيك توك اسمحلي مازال مافهمتش كيفاش ضمير ديالك كأب/أم او اَلْمُرَبِّي بصفة عامة يسمحلك انو تحط هذه المنصة لطفلك وعادي بكل الامراض النفسية لي فيها! خلينا من العباد لي راهي تتصدر المشهد هناك (ماتحاولش تقنعني انو الخوارزمية تظهرك وش تبع لانو شحال من مرة ديرلك مقترحات وتديك لوين حابة هي).
تجيك عادي انو طفل في عمر 10 سنوات يشوف النجاح هو حساب تيك توك فيه مُدَعّمِينَ والنجاح بالنسبة له مليار تكبيس او حصوله على اسد، وتلقى بنت في مراحل التكوين تتربى على انو مايهمش الطريقة المهم توصل لسبع وكل شيء يهون امام زئيره، ومهم يكون عندك مدعمين وخاصة ادا كان من اصحاب العمائم.
علاه نحكي هكدا لانو لازم اَلْمُرَبِّي الجزائري يفيق شويا للعالم لي رانا عايشين فيه اليوم، يفيق انو الانترنت غيرت وتغير الكثير، اذا فيق وراجع حساباتك واعلم انها مسؤولية كبيرة واعلم انك جزء من مجتمع الغد.
خلاص راح الوقت لي تفتخر انو وليدك يعرف للهاتف وشوف وليدي يعرف يستعمل هاتف وحدوا ونتا راك داير جريمة انو وليدك في سن 6 و 10 و 15 يدور في تيك توك وسناب بلا حسيب ولا رقيب.